📄 Abstract
Ang kultura ay nagsisilbing kaluluwa ng isang bansa at nagpapakilala sa pagkakakilanlan ng mga mamamayan nito. Sinasaklaw nito ang mga paniniwala, tradisyon, pamahiin, sining, at wika ng isang lipunan. Sa pananaliksik na ito, tinalakay ang ilang kulturang Koreano na may pagkakatulad sa kulturang Filipino, partikular sa mga K-Drama, na siyang nagiging sanhi ng pagkahumaling ng mga Pilipino sa mga palabas na ito. Gumamit ng deskriptibong-kwalitatibong pamaraan at content analysis upang suriin ang mga K-Drama tulad ng The World of the Married, Temptation of Wife, at My Love from the Star. Sa pagsusuri, lumitaw na ang tema, moda, at musika ng K-Drama ay may malaking ambag sa popularidad nito sa mga Pilipino. Natukoy din na ang mga elementong tulad ng pamahiin, paniniwala, at tradisyon ng mga Koreano ay may pagkakatulad sa kultura ng mga Pilipino. Ipinapakita ng mga natuklasan na ang mga K-Drama ay naglalaman ng mga kultural na salik na nakahihikayat sa mga manonood. Inirerekomenda ng mga mananaliksik na gawing makabuluhan ang panonood ng K-Drama sa pamamagitan ng pagsasanib ng multikultural na oryentasyon sa edukasyon, upang mapalalim ang kaalaman sa ibang kultura nang hindi nalilimutan ang sariling kultura.
🏷️ Keywords
📚 How to Cite:
Erwen G. Pasindo, Evelyn R. Cutamora PhD , ALON NG OPPA SA FILIPINO DRAMA: ISANG TEMATIKONG PAGSUSURI NG ORIHINAL NA K-DRAMA SA FILIPINO ADAPTASYON NA KINAHUHUMALINGAN NG MGA FILIPINO AWDIYENS , Volume 11 , Issue 1, january 2025, EPRA International Journal of Multidisciplinary Research (IJMR) , DOI: https://doi.org/10.36713/epra19759