📄 Abstract
Ang kuwalitatibong multiple case na pananaliksik na ito ay naglalayong ilarawan ng mga karanasan at pamamaraan ng mga guro sa Filipino sa pagharap sa mga hamon sa pagtuturo ng malikhaing pagsulat sa mga Special Program in the Arts na mga mag-aaral. Gamit ang maximum variation sampling, limang guro mula sa limang dibisyon sa iba't ibang paaralan ang naging kalahok, at ang datos ay nakalap sa pamamagitan ng malalimang panayam na pinagtibay ng trayanggulasyon mula sa iba pang kaugnay na impormante. Mula sa cross-case na pagsusuri, lumitaw ang sumusunod na tema hinggil sa karanasan ng mga guro sa pagtuturo ng malikhaing pagsulat sa mga Special Program in the Arts na mga mag-aaral: malikhain at magkaibang estratehiya, mga hamon sa kasanayan at motibasyon ng mag-aaral, papel ng kapaligiran sa pagsusulat, pesonal na koneksyon at natatanging karanasan sa pagtuturo, emosyonal na katatagan at propesyunal na pangarap. Kaugnay nito, naitala ang mga paraan upang mapagtagumpayan ang mga hamon sa pagtuturo ng malikhaing pagsulat sa mga Special Program in the Arts na mga mag-aaral: pagtitibay ng loob at positibong pananaw, malikhaing paggamit ng limitadong kagamitan, patuloy na propesyunal na pag-unlad at suporta, pagpapalakas ng relasyon sa mag-aaral bilang inspirasyon, epektibong estratehiya sa pagtuturo ng malikhaing pagsulat. Bagama't may pagkakatulad ang mga kaso sa aspekto ng pagbabago ng pananaw, karanasan, pamamaraan, at malinaw ang kanilang pagkakaiba sa pagharap ng mga ito. Ipinahiwatig ng pag-aaral na ang pinakaepektibong estratehiya ng guro sa pagtuturo ng malikhaing pagsulat ay ang paggiging maparaan sa kabila ng mga kakulangan, sapat na suporta sa pamamagitan ng pagbibigay ng pagkakataon na makadalo sa mga palihan at mga pagsasanay nang magkaroon ng panibagong kaalaman at estratehiyang magagamit sa klase, at malikhaing pag-angkop sa kasalukuyang henerasyon.
🏷️ Keywords
📚 How to Cite:
Emily A. Sablas, Dr. Marsan dela Salde , ESTRATEHIYA NG GURO SA PAGTUTURO NG MALIKHAING PAGSULAT SA MGA SPECIAL PROGRAM IN THE ARTS: ISANG MULTIPLE CASE NA PAG-AARAL , Volume 11 , Issue 10, October 2025, EPRA International Journal of Multidisciplinary Research (IJMR) , DOI: https://doi.org/10.36713/epra24402