📄 Abstract
Ang pag-aaral na ito ay isinagawa upang matukoy ang ugnayan ng saloobin sa pagbasa at akademikong pagganap ng mga mag-aaral sa pagkatuto ng Filipino bilang pangalawang wika. Gumamit ang mananaliksik ng kuwantitatibo at di-eksperimental na disenyo sa pamamagitan ng deskriptib-korelesyon na metodo. Ang mga kalahok ay binubuo ng mga mag-aaral ng ika-7 baitang ng Mataas na Paaralang Pambansa ng Lungsod ng Davao, Cluster 1, para sa Taong Panuruan 20232024, na pinili gamit ang simple random sampling. Gumamit ng talatanungan ang mananaliksik upang makalap ang mga kinakailangang datos ukol sa saloobin sa pagbasa at akademikong pagganap. Ipinakita ng resulta na ang mga mag-aaral ay may positibong saloobin sa pagbasa, na malinaw sa kanilang interes, motibasyon, at pagpapahalaga sa pagbasa. Ang tatlong pangunahing indikeytor na ito ay may makabuluhang impluwensiya sa kanilang akademikong pagganap sa Filipino bilang pangalawang wika. Sa apat na kasanayang pangwika, mataas ang antas ng pakikinig at pagsasalita, samantalang ang pagbasa at pagsulat ay nasa katamtamang antas, na nangangailangan ng karagdagang suporta at estratehiya upang higit pang mapaunlad ang kakayahan ng mga mag-aaral. Natuklasan na may makabuluhang ugnayan ang saloobin sa pagbasa at akademikong pagganap ng mga mag-aaral ukol sa Filipino bilang pangalawang wika.
🏷️ Keywords
📚 How to Cite:
Daisy D. Hernandez , SALOOBIN SA PAGBASA AT AKADEMIKONG PAGGANAP UKOL SA FILIPINO BILANG PANGALAWANG WIKA , Volume 11 , Issue 3, March 2026, EPRA International Journal of Research & Development (IJRD) ,